Ħarġa tal-Malti

Waqt ħarġa organizzata mill-għalliema tal-Malti nhar il-Ġimgħa 24 ta’ Jannar 2020, studenti tal-Year 8 kellhom l-opportunità li jżuru Wied il-Qlejgħa jew kif inhu aktar magħruf bħala ċ-Chadwick Lakes. Din l-attività kienet marbuta mal-Kitba Deskrittiva u għalhekk l-istudenti ngħataw kitbiet differenti fejn kellhom jisiltu frażijiet, sentenzi jew idjomi li jappellaw għall-kitba tagħhom. Barra minn hekk, l-istudenti ħaddmu l-ħames sensi, niżżlu noti dwarhom u tpaxxew bis-sbuħija li jaf joffri dan il-post. Żgur li kienet ħarġa li l-istudenti tagħna ser jibqgħu jiftakru għax tgħallmu, espremew ruħhom, ħadu gost flimkien u gawdew l-ambjent naturali Malti!