Nhar il-Ħamis 20 ta’ Novembru ser niftħu l-iskola filgħaxija biex nagħtuk l-opportunità li tiltaqa’ mal-għalliema tat-tfal tiegħek biex flimkien tiddiskutu l-progress fid-diversi suġġetti u oqsma oħra fl-interess tagħhom. Ser ngħaddulkom fuljett bl-ismijiet tal-għalliema u l-kmamar li ser ikunu fihom dakinhar – tistgħu titolbu lit-tfal jimmarkaw liema għalliema jgħallmuhom.
Qed ninkludi ċirkulari importanti dwar l-attendenza u minħabba li għadha kif ġiet imħabbra Policy Ġdida Nazzjonali dwar l-attendenza, qegħdin nieħdu l-opportunita’ li nispjegaw it-tibdil lil dawk minnkom interessati, għadaqstant ser ikollna laqgħa qasira dwar dan fis-sala tal-iskola dakinhar stess fl-16:30.
F’din il-ġurnata, l-iskola tispiċċa kmieni, jkun hemm l-ewwel 5 lezzjonijiet biss u t-trasport lura lejn id-dar ikun provdut fl-12:20.
Id-dettalji fil qosor huma dawn:
Data | Okkażjoni | Ħin | Dettall |
20/11/14 | Laqgħa dwar il-Policy dwar l-Attendenza | 16:30 sa 17:00 | Fis-Sala tal-Iskola |
20/11/14 | Parents’ Evening | 17:00 sa 19:00 | Skola sa 12:20 |
Nieħdu pjaċir li tilqa’ din l-istedina għax nemmnu li rridu naħdmu flimkien għal-ġid tal-istudenti.
Ċirkulari għall-Ġenituri dwar l-Attenenza tat-tfal – Sekondarja